[center]
مدد ياعم
كل ما اقول انا تانى واعيد مدد ياعم القى الروح عايزانى أزيد
انده تانى وامد له إيد *** ده انت كريم من أهل كرم
مدد ياعم مدد ياعم مدد مدد مدد ياعم
كل ما اقولها قبل ما انام مدد ياعم تبكى عينيه تقول لى حرام
اصحى ياغالى ونادى حبيبك *** خـليـه ف قـلبـك أب وأم
مدد ياعم مدد ياعم مدد مدد مدد ياعم
ارجع تانى وانادى عليه مدد ياعم أصل جمالـه ما فى زييـه
أول مره تشوفه عيونى *** حسيت جوه ف قلبى السهم
مدد ياعم مدد ياعم مدد مدد مدد ياعم
هو جماله ده شئ ربانى ؟ مدد ياعم ولا نبينا رجع لنا تانى ؟
ولا خيالى ولا جنانى ؟ *** هو حقيقه ولا ده وهم ؟
مدد ياعم مدد ياعم مدد مدد مدد ياعم
نادوا معايا وقولوا كمان مدد ياعم يمكن نفهم يا إخوان
جنه واحده ولا جنان ؟ *** نظرة عمى تزيل الهم
مدد ياعم مدد ياعم مدد مدد مدد ياعم
نايم صاحى بانادى عليه مدد ياعم واحد تانى بقيت أنا بيه
دايب قلبى خلاص انا فيه *** حبه بيجرى مجرى الدم
مدد ياعم مدد ياعم مدد مدد مدد ياعم
عبدالحميد آدم ـ نقادة فى 25/6/2011
موضوع: قصيدة مدد ياعم 
الإثنين أغسطس 29, 2011 1:54 pm
